35-аас дээш настай иргэдэд ипотекийн 6 хувийн хүүтэй зээл олгохгүй – ХУДАЛ

Нягталсан мэдээлэл

35-аас дээш настай иргэдэд ипотекийн 6 хувийн хүүтэй зээл олгохгүй – ХУДАЛ

Аравдугаар сарын 1-нээс олгож эхэлсэн ипотекийн зургаан хувийн хүүтэй зээлийг 35-аас дээш насныханд олгохгүй байх талаар Парламент суваг телевизийн аравдугаар сарын 19-ний мэдээний хөтөлбөрт дурджээ.

Энэхүү мэдээгээр зээл хүсэгчид тавих шаардлага дунд зээлийн гэрээ дуусгавар болох үед 65-аас дээшгүй настай байх гэж тусгасныг дурдаад энэ нь зээлдэгч 35-аас дээшгүй настай байна хэмээн мэдээлжээ.

Энэхүү мэдээг нягталж шалгахад худал гэдэг нь тогтоогдсон бөгөөд зээлтэй холбоотой журамд зээл авах насны хязгаарыг тусгаагүй байгааг дараах бичгийн эх сурвалжуудад дурдсан байна. 

2016 оны аравдугаар сарын 25-ны өдөр баталсан “Орон сууцны ипотекийн санхүүжилтийн журам”-д зээлдэгчид тавих шаардлагын доод насны хязгаарыг 18 гэж заасан бөгөөд дээд хязгаарыг тогтоогоогүй. Тодруулбал, дараах шаардлагыг хангасан байна гэжээ. Үүнд: 

Мөн 2020 оны аравдугаар сарын 1-ний өдөр баталсан зургаан хувийн зээл олгохтой холбоотойгоор журамд оруулсан өөрчлөлтөд ч мөн л зээлдэгчийн насны хязгаарыг тогтоогоогүй байна.

Ипотекийн зээлийн журамд тусгаснаар зээлийг 360 сар буюу 30 жил хүртэл хугацаатайгаар олгож байгаа. Тиймээс хэрэв тухайн иргэн 35 ба түүнээс дээш настай бол 65 хүртэл үлдсэн жилийнхээ хэмжээгээр зээлээ авах эрх нь нээлттэй болохыг Монголбанкнаас тайлбарлаж байна. Тухайлбал, 40 настай иргэн ипотекийн зээлийг дээд тал нь 25 жилээр авах боломжтой бол 50 настай иргэн 15 жилийн хугацаатайгаар авч болно. 

Иймд ипотекийн зургаан хувийн зээлийг 35-аас дээш насныхан авах боломжгүй гэдэг нь иргэдийг төөрөгдүүлсэн, ташаа мэдээлэл юм. 

Р.Адъяасүрэн (gogo.mn)

0
хуваалцах
Санал асуулга

НЯГТЛУУЛАХ, ХУУРАМЧ МЭДЭЭЛЭЛ ИЛГЭЭХ

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.