"Богд уул, бугын ам" гэх зураг Монголд биш!

Нягталсан мэдээлэл

"Богд уул, бугын ам" гэх зураг Монголд биш!

Тэнгэрийн Гүнж нэртэй фейсбүүк хэрэглэгчийн "Богд уул, бугын ам" гэх уг зураг цахим орчинд таран 11 цагийн дотор 8200 лайк, 217 удаа дахин түгээгджээ. 

Энэхүү зургийг Гүүглийн зургийн хайлтаар нягталж шалгавал энэ нь Монголд биш бөгөөд АНУ-ын Вайоминг мужийн Жексон Хоулд байрлах зэрлэг ан амьтдын National Elk Refuge хэмээх газар ажээ. Энэ газар нь 1912 онд амьтдын амьдрах орчныг хамгаалах, дархан цаазтай болгох зорилгоор байгуулагджээ. Харин уг зураг нь 2018 оны зул сарын баярын үеэр тус газрын Инстаграм хуудсаар анх олон нийтэд түгээгдэж байжээ.


Сонирхуулахад дэлхий дээрх хамгийн том хандгай (мөн wapiti гэж нэрлэдэг) сүрэг энд байдаг бөгөөд нийт 24700 акр газар аж. Зүүн талаараа Тетон үндэсний ой, хойд талаараа Гранд Тетон үндэсний цэцэрлэгт хүрээлэнтэй хиллэдэг. Энд өвөл дунджаар 7500 хандгай амьдардаг. Энэхүү газрыг АНУ-ын Дотоод хэргийн яамны харьяа агентлаг болох АНУ-ын Загас, ан амьтны алба хариуцдаг ажээ.

Ташрамд дурдахад дээрх зураг нь энэ удаа анх Монголд түгээгдэж байгаа биш бөгөөд өмнө нь өнгөрсөн онд мөн твиттер зэрэг нийгмийн мэдээллийн сүлжээнд тарж байсан удаатай. 

 

Нягталсан: Ц.Тамир (MCIR)

0
хуваалцах
Санал асуулга

НЯГТЛУУЛАХ, ХУУРАМЧ МЭДЭЭЛЭЛ ИЛГЭЭХ

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.