БОАЖ-ын сайдын ярилцлагын зургийг засварлан “аялсан”-ыг “алсан” болгожээ

Нягталсан мэдээлэл

БОАЖ-ын сайдын ярилцлагын зургийг засварлан “аялсан”-ыг “алсан” болгожээ

С.Сарангэрэл: Энэ жил дотооддоо нэг хүн алсан гэсэн гарчиг бүхий "Өдрийн сонин"-ы тэргүүн нүүрний зураг олон нийтийн сүлжээнд хүмүүсийн анхаарал татаад байна.

Энэхүү зургийг цахим орчинд түгээж “үсэг алдсан байх”, “аюулгүй орчингүй газар өөр яах юм”, “ийм юм яриад сууж байдаг сайд байх гэж” гэх мэтчилэн олон сэтгэгдэл хөвөрч байна.

Тэгвэл энэхүү зураг нь бодит мэдээлэл биш бөгөөд тухайн сонинд нийтлэгдсэн ярилцлагын гарчгийг засварлан, өөрчилжээ.  

“Өдрийн сонин” сонины өчигдрийн буюу 2020 оны арваннэгдүгээр сарын 5-ны дугаарын тэргүүн нүүрэнд БОАЖ-ын сайдын "С.Сарангэрэл: Энэ жил дотооддоо нэг сая хүн аялсан гэсэн гарчигтай ярилцлага гарсны бодит зургийг доор оруулав.

Харин "Өдрийн сонин" БОАЖ-ын сайд Сарангэрэлийн овгийг ташаа мэдээлжээ. Түүний овог нь Д буюу Даваажанцан юм.

Нягталсан: Р.Адъяасүрэн (gogo.mn)

0
хуваалцах
Санал асуулга

НЯГТЛУУЛАХ, ХУУРАМЧ МЭДЭЭЛЭЛ ИЛГЭЭХ

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.