УОК: Хотын автомашины хөдөлгөөнийг 90% бууруулахад машины тоо 10 мянга болж буурна -ХУДАЛ

Нягталсан мэдээлэл

УОК: Хотын автомашины хөдөлгөөнийг 90% бууруулахад машины тоо 10 мянга болж буурна -ХУДАЛ

Мягмар гараг буюу 2020 оны арваннэгдүгээр сарын 17-ын өдөр УОК хуралдсаны дараа нийслэлийн автомашины хөдөлгөөнийг илүү хумихаар шийдвэрлэсэн талаар мэдээлэхдээ хоорондоо зөрүүтэй тоонууд хэлсэн юм

Мэдээллийн үеэр нийслэлийн Засаг дарга Д.Сумъяабазар: Бүх нийтийн бэлэн байдлын зэрэгт шилжүүлсэнтэй холбоотойгоор тээврийн хөдөлгөөнийг нарийн цагийн хуваарьт шижлүүлсэн. Бид 17,000 тээврийн хэрэгсэл хөдөлгөөнд оролцоно гэж тооцоолсон. Гэтэл өнөөдрийн байдлаар бидний тооцоолж байснаас илүү тээврийн хэрэгсэл буюу 40,000 - 50,000 автомашин хөдөлгөөнд оролцож байна. Иймд цаашид зохицуулалтыг илүү чангатгаж, хөдөлгөөнийг хумихгүй бол КОВИД-19-ийн эрсдэл өндөр байна.

Олон улсад авч хэрэгжүүлсэн ажилд тооцоо судалгаа хийгээд ер нь 90% хүртэл хөл хорьж байж тодорхой үр дүнд хүрсэн тооцоо байгаа.

Цагдаагийн ерөнхий газрын дэд дарга Ж.Амгалан: Өнөөдөр замын хөдөлгөөний нягтрал 10% буюу 30,000-аар нэмэгдсэн. Энэ нь сөрөг үр дагавартай. Энэ нягтралыг бууруулж сийрэгжүүлэхийн тулд үе шаттай арга хэмжээг хэрэгжүүлнэ. Ердийн горимд 450-480 мянган машин хөдөлгөөнд оролцдог байсан. Үүнийг буцаагаад 90% багасгах арга хэмжээ авна. 

УОК-ын хэвлэлийн төлөөлөгч Ц.Ганзориг: Өнөөдөр 40-50 мянган машин замын хөдөлгөөнд орно. Үүнийг 8-10 мянгаар хэтрүүлэхгүй барина. Хөл хөдөлгөөнийг 90% хумина.

Factcheck: Ж.Амгалан хурандаагийн хэлсэнчлэн Улаанбаатар хотын замын хөдөлгөөнд ердийн үед 480 хүртэл мянган тээврийн хэрэгсэл оролцдог бол үүнийг 90% бууруулахад 48 мянга орчим машиныг хөдөлгөөнд оролцуулах боломж бүрдэхээр байна. 
Гэвч хотын дарга Д.Сумъяабазар 40,000 - 50,000 автомашин хөдөлгөөнд оролцож байгааг хумих зорилгоор шийдвэр гаргаснаа хэлсэн. Түүний тооцоолсноор 17,000, Ц.Ганзоригийн мэдээлснээр 10,000, дунджаар 15,000 автомашины тоог барихын тулд тээврийн хэрэгслийн хөдөлгөөнийг 90% биш, 97% хүртэл бууруулахаар байна. Эсвэл 90% бууруулаад 50 орчим мянган машин явуулах боломжоор хангах шаардлагатай болох нь.

Өөрөөр хэлбэл ийнхүү УОК-ын гишүүд нэг дор суусан хэрнээ хоорондоо зөрүүтэй мэдээлэл өгч, төөрөгдүүлж байна.

Нягталсан: Ц.Тамир

0
хуваалцах
Санал асуулга

НЯГТЛУУЛАХ, ХУУРАМЧ МЭДЭЭЛЭЛ ИЛГЭЭХ

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.