Твиттерт МАХН-ын гэж харагдах @MAXH_MNG хэмээх хаяг ХУУРАМЧ!

Нягталсан мэдээлэл

Твиттерт МАХН-ын гэж харагдах @MAXH_MNG хэмээх хаяг ХУУРАМЧ!

Өчигдөр буюу 4 дүгээр сарын 29-ний өдөр твиттерт МАХН-ын гэж андуурагдахаар хаягнаас "Манай намын хаягийг дагаснаар та байр авах эрхийн гэрчилгээгээ гардаж авлаал гэсэн үг" гэсэн жиргээ тарав.

Уг жиргээг иргэдийн ихэнх нь хуурамч хэмээн ялгаж таниж буй хэдий ч дотор нь итгэн үнэмшиж буй иргэд ч байгаа нь сэтгэгдлүүдээс харагдав. Тухайлбал тэд, дахиж танай намд итгэхгүй, байраа яг ямар процедураар авах вэ, дэмжиж байгаа шүү гэх зэргээр сэтгэгдлээ илэрхийлжээ. Мөн уг жиргээ цацагдсан өчигдөр өдрийн 14 цагийн орчмоос хойш одоог хүртэл 300 гаруй хүн уг хаягийг дагажээ.

Энэ хаягны бусад жиргээг үзвэл албан бус, хар ярианы үг хэллэгээс гадна, бүдүүлэг үг хэллэг ихээр ашиглажээ. Тиймээс бид хуурамч эсэхийг давхар нягталж МАХН-аас тодруулахад хуурамч хаяг гэдгийг хэллээ. Түүнчлэн яг энэ загвараар өөр бусад хаянууд ч байгааг харвал хандалт авах зорилгоор хэн нэгэн нээсэн бололтой. 

Сонгууль дөхсөнтэй холбоотойгоор нийгмийн сүлжээнд хуурамч хаягнууд илт олширсоор байгааг анхааруулж байна. 

Мэдээллийг нягталсан: Fact Check Mongolia 

 

 

0
хуваалцах
226
үзсэн
Санал асуулга

НЯГТЛУУЛАХ, ХУУРАМЧ МЭДЭЭЛЭЛ ИЛГЭЭХ

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.