С.Баярцогтын талаарх Ройтерсын мэдээ ХУУЧИРСАН МЭДЭЭЛЭЛ

Нягталсан мэдээлэл

С.Баярцогтын талаарх Ройтерсын мэдээ ХУУЧИРСАН МЭДЭЭЛЭЛ

Хэд хоногийн өмнөөс “Ройтерс”: С.Баярцогтыг 10 сая ам.долларын авлигын хэрэгт буруутгалаа гэсэн гарчигтай мэдээ фэйсбүүк орчинд түгээгдэж эхлэв.

Тухайн мэдээлэл нь www.shuud.mn сайтын бэлтгэсэн мэдээлэл бөгөөд энэхүү үйл явдал нь өнөөдрөөс хоёр жилийн өмнө буюу 2018 оны гуравдугаар сарын 20-ны өдрийн үйл явдал болох нь мэдээ уруу ормогц харагдаж байна.

Гэвч тухайн мэдээллийг нийгмийн мэдээллийн сүлжээнд түгээх буюу шэйрлэхэд тухайн мэдээг хэзээ нийтэлсэн хугацаа харагддаггүй тул хүмүүст одоогийн үйл явдал мэт ойлголтыг төрүүлж байгаа юм. Энэ нь нэг талаар мэдээллийг гуйвуулж буй хэлбэр юм.

Аливаа мэдээллийг уншихаас түрүүлээд тухайн мэдээллийг гаргасан веб сайт, домэйн хаяг нь баталгаатай эсэхийг харах хэрэгтэй. Үүний дараа мэдээлэл уруу орж, он сарыг нь сайтар нягтлах нь зүйтэй юм.

Ингээд factcheck.mn-ээс гаргасан мэдээ, нийтлэлд итгэх хийгээд түүнийг цааш нь түгээхдээ баримтлах #7нягталж1түгээ зарчмыг эндээс санаарай.

Сонгуулийн сурталчилгаа ид идэвхжиж буй энэ үед та дээрх зарчмыг баримтлан үнэн зөв, баталгаатай мэдээллийг уншин, тунгаагаарай.

Нягталсан: Fact Check Mongolia  

0
хуваалцах
37
үзсэн
Санал асуулга

НЯГТЛУУЛАХ, ХУУРАМЧ МЭДЭЭЛЭЛ ИЛГЭЭХ

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.