Кёкүшюзан Д.Батбаяр иргэдтэй хийсэн уулзалтынхаа үеэр дараах ХУДАЛ мэдээллүүдийг тараалаа

Нягталсан мэдээлэл

Кёкүшюзан Д.Батбаяр иргэдтэй хийсэн уулзалтынхаа үеэр дараах ХУДАЛ мэдээллүүдийг тараалаа

Бид нэр дэвшигчдийн ярианд дурдагдаж буй баримтууд үнэн эсэхийг нягтлан хүргэж байгаа билээ.

Тэгвэл бид энэ удаад 2020 оны УИХ-ын сонгуулийн 27-р тойрогт Ардчилсан намаас нэр дэвшиж буй Кёкүшюзан Д.Батбаярын иргэдтэй хийсэн уулзалтын үеэр ярьсан яриагаа зургадугаар сарын 10-ны өдөр өөрийн албан ёсны фэйсбүүк хуудаснаа тавьсан 6:21 минутын бичлэгийг нягталлаа.

 

1."Сүүлийн дөрвөн жилийн хугацаанд Монгол Улсын хэмжээнд хамгийн их барилга барьсан, шилд эг барилгын компаниар шалгарлаа -  ХУДАЛ

Кёкүшюзан Д.Батбаяр нэр дэвшигчийн хөрөнгө орлогын мэдүүлэгтээ

  1. Чингис Ворлд Майнинг ХХК,
  2. Дунгоулд ХХК,
  3. Хардэл Бэйс ХХК,
  4. Блэйкмаунт Майнинг ХХК,
  5. Дөрөв Кэй ХХК,
  6. Мимэкс ХХК,
  7. Сатономатериал ХХК,
  8. Дөрөв Кэй мүүв ХХК,
  9. Хөрш заанууд ХХК,
  10. Кёкүшю Бэ яа ХХК,
  11. Буурал улиастай ХХК,
  12. Өлзийт голын эх ХХК,
  13. Баясгалантай дэлхий мед ХХК,
  14. Ирээдүйн билиг ХХК,
  15. Парадайс театр ХХК,
  16. Онлайн шоп хоум ХХК,
  17. Глобал профит ХХК,
  18. Сакура ХХК,
  19. Сакура БСБ Бусад,
  20. Харьланзан трейвэл ХХК,
  21. Холбоошулуунзам ХХК,
  22. Хоум магазин ХХК,
  23. Экспресскар ХХК,
  24. Элбэг баян далай транс ХХК,
  25. Шүрэн хана ХХК,
  26. Найман шид ХХК,
  27. Голденвэйл ХХК,
  28. Дархан анд ХХК,
  29. Дөргөн гласс ХХК,
  30. Жисикорпораци ХХК,
  31. Кёкүшюгоулд майнинг ХХК,
  32. Кёкүшюгрийт волл ХХК,
  33. Кёкүшютауэр ХХК,
  34. Монгорүшёшя ХХК,
  35. Эко моторс ХХК,
  36. ЭФ ЭФ СИ ХХК,
  37. Юнайтед-Ойлшейл ХХК,
  38. Юниверсал кюрринси холдингс ХХК,
  39. Шүголд ХХК гэсэн 39 компанид ямар нэгэн хувь эзэмшдэг хэмээн мэдүүлжээ.

Эдгээр компанийг нээлттэй мэдээллийн сангаас шүүж үзвэл барилгын чиглэлээр үйл ажиллагаа явуулдаг компани байдаггүй юм байна. 1999 оноос барилга барьж байгаа Хөрш заанууд ХХК нь 2013 оноос эхлэн гадаад худалдааны чиглэлээр үйл ажиллагаа явуулдаг гэжээ.

Мөн 2016-2019 онуудад барилгын салбарын шилдэг аж ахуйн нэгжүүдийн шалгаруулалтад шагнал авсан талаар мэдээлэл байхгүй байна. Харин 2019 оны 11 сард тус компанийг хамтран байгуулсан Б.Чинзоригийн хамт Нийслэлийн ойн медалийг МҮХАҮТ- аас гарджээ. Өөрөөр хэлбэл барилгын салбарын шагнал бус нийслэлээс шагнуулсан гэсэн үг. Мөн 2019 оны наймдугаар сард нийслэлийн Онцгой комиссын даргын тушаалаар байгуулагдсан ажлын хэсэг Хан-Уул дүүргийн 4 дүгээр хорооны нутаг дэвсгэр Яармагийн урд, авто зам, замын байгууламж, үерийн далан суваг, шуудуу хааж, зөвшөөрөлгүй барилга барьсан аж ахуй нэгжүүдийн үйл ажиллагааг зогсоосон талаар мэдээлж байв. Энэхүү жагсаалтад Хөрш заанууд ХХК багтаж байсан нь мөн л барилгын салбарын шилдгүүдийн нэг биш гэдгийг илтгэж байгаа юм.

2. Гурван жилийн хугацаанд сая метр квадрат, 10 гаруй мянган айлын орон сууц барьсан – ХУДАЛ

Хөрш заанууд ХХК өнгөрсөн гурван жилийн хугацаанд нэг сая метр квадрат барилга барьсан хэмээн ойн медаль хүртсэн талаар өмнө нь дурдсан. Тэгвэл тэрбээр уулзалтын үеэр өнгөрсөн гурван жилийн хуагцаанд нэг сая метр квадрат, 10 гаруй мянган айлын орон сууц барьсан хэмээн хэлсэн нь худал юм. Барилгын салбарын шилдэг бус нийслэлийн ойн медаль авах үедээ 1081700 метр квадрат бүхий 33 барилгыг барьсан хэмээн мэдээлсний 16 нь орон сууц. Бусад нь өөр зориулалтын барилгууд байна. Мөн сүүлийн 2 жилд Улаанбаатар хотод 20 мянга, орон нутагт 5000 гаруй айлын орон сууц ашиглалтанд оржээ.

3. ”Хан-Уул дүүрэгт тал байсан газрыг хот болгосон юм аа. Хот болгохдоо цогцоор нь сургуультай, цэцэрлэгтэй, эмнэлэгтэй нь бүрэн бүтэн спорт цогцолбортой нь хот болгоод хүрээд ирлээ” ХУДАЛ

Хан-Уул дүүрэг, Яармагийн дэнжид зөвхөн Хөрш заанууд ХХК-иас гадна Номин констракшн, МСS гээд нэрлэвэл олон газар бүтээн байгуулалт бий. Байшин барилаа гээд хот болчихгүй. Түүний ярьсан цэцэрлэг, сургууль бол хувийн хэвшлийнх буюу өөрийнх нь Сакура сургууль. Энэ хавьд шинээр улсын сургууль, цэцэрлэг бариагүй бөгөөд 10 жил гацаад байсан эмнэлгийн барилгыг эх барих, эмэгтэйчүүдийн чиглэлээр ажиллуулахаар улсаас хөрөнгө оруулалт хийсэн юм.

Нягталсан: Fact Check Mongolia 

0
хуваалцах
876
үзсэн
Санал асуулга

НЯГТЛУУЛАХ, ХУУРАМЧ МЭДЭЭЛЭЛ ИЛГЭЭХ

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.