АН-аас хийсэн "Ж.Эрдэнэбат 10 тэрбум төгрөгийн барьцаа байршуулж, суллагдсан" гэх мэдээлэл ХУДАЛ

Нягталсан мэдээлэл

АН-аас хийсэн "Ж.Эрдэнэбат 10 тэрбум төгрөгийн барьцаа байршуулж, суллагдсан" гэх мэдээлэл ХУДАЛ

АН-ын сонгуулийн штабаас “Хар тамхи, хар жагсаалт, хар бүхнээс салж төрөө засъя” гэх видео контентыг гаргажээ.

Тухайн контентод УИХ-ын сонгуулийн 13-р тойрог буюу Сэлэнгэ аймагт нэр дэвшиж буй Жаргалтулгын Эрдэнэбатыг 10 тэрбум төгрөгийн барьцаа байршуулан, цагдан хорионоос суллагдаж, тойрогтоо сонгуулийн сурталчилгаагаа хийн, сонгогдохоор улайрч байна гэх мэдээллийг өгсөн юм.

 

Тэгвэл уг асуудлыг нягтлахад дээрх мэдээлэл худал болох нь тогтоогдлоо.

Шүүгдэгч Ж.Эрдэнэбат нарт холбогдох эрүүгийн хэргийн шүүх хуралдаан Сүхбаатар дүүргийн Эрүүгийн хэргийн анхан шатны шүүхэд болж, шүүх хуралдааныг энэ сарын 22-ныг хүртэл хойшлуулсан бөгөөд ингэхдээ шүүхээс түүнд авсан таслан сэргийлэх арга хэмжээг хэвээр үлдээсэн болохыг хэллээ.

Ж.Эрдэнэбат 10 тэрбум төгрөг байршуулах боломжгүй гэдгээ зургаадугаар сарын 12-ны өдөр Сэлэнгэ аймгийн иргэдтэй уулзалт хийх үеэрээ өөрөө хэлсэн.

Тодруулбал "Хэрэг хянан шийдвэрлэх ажиллагаа бүтэн жил тодорхой шалгасан зүйлгүй өнөөдрийг хүрсэн. Энэ нь УИХ-ын сонгуулийн хугацаатай давхцуулах санаа зорилготой байжээ гэдгийг өнөдөр хууль шүүхийн байгууллагын шийдвэр, үйл ажиллагаа, хандлагаар тогтоогдож байх шиг байна. Шүүхээс 10 тэрбум төгрөгийн барьцаа тавь, эс биелүүлбэл цагдан хорих болно гэдэг шийдвэрийг энэ сарын 4-ний өдрийн хурлаараа ил зарласан. Миний хөрөнгө орлогын мэдүүлэг нийтэд ил тод нээлттэй. Гэтэл намайг гаргаж дийлэхгүй нь нэгэнт тодорхой их хэмжээний мөнгийг шүүхийн дансанд байршуулахыг даалгасан нь намайг цагдан хорино гэсэнтэй агаар нэг шийдвэр байлаа" хэмээн тэрбээр хэлсэн юм.

АН-ын сурталчилгааны видео дээр өгүүлсэн Ж.Эрдэнэбат 10 тэрбум төгрөгийн барьцаа байршуулан, сонгуулийн сурталчилгаагаа Сэлэнгэ аймагт хийж байна гэдэг мэдээлэл худал.

 

Нягталсан: Fact Check Mongolia

0
хуваалцах
86
үзсэн
Санал асуулга

НЯГТЛУУЛАХ, ХУУРАМЧ МЭДЭЭЛЭЛ ИЛГЭЭХ

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.