БНХАУ-ын Гадаад хэргийн сайд Ван И Монгол Улсад айлчлал хийгээд буцсан билээ. Түүний айлчлалын үеэр “Хятадын гадаад яамны сайд Ван И монгол бүсгүйн өргөн барьсан ариун цагаан сүүнээс татгалзан, хэрэггүй гэчихээд явжээ” гэсэн постыг Бүгд найрамдах намын дарга Б.Жаргалсайхан олон нийтийн сүлжээнд нийтэлсэн.
Үүнийг 4,000 хүн шэйрлэж, 707 хүн сэтгэгдлээ бичиж, 5,800 хүн лайк болон сэтгэгдлээ дарсан байна.
Тэгвэл уг пост нь худал болохыг дараах зураг нотолж байна.
Энэхүү зураг нь БНХАУ-ын Гадаад харилцааны сайд Ван Игийн сая айлчлалаар ирэхэд нь авахуулсан ГХЯ-ны эх сурвалжтай зураг юм. Коронавирусийн цар тахлын улмаас Монгол Улс хэсэгчилсэн өндөржүүлсэн байдалд байгаатай холбоотойгоор Ван И сайд БНХАУ-ын буюу тусгай онгоцоор ирж, онгоцноос буух үеийг дээрх зураг харуулж байна. Харин Б.Жаргалсайханы нийтэлсэн зураг нь түүний 2018 оны наймдугаар сард Монгол Улсад хийсэн айлчлалын үеийн зураг юм.
Харин түүний цагаан идээ амссаныг дараах зураг нотолж байна. Тиймээс Хятадын гадаад яамны сайд Ван И монгол бүсгүйн өргөн барьсан ариун цагаан сүүнээс татгалзан, хэрэггүй гэчихээд явжээ игэдэг нь ХУДАЛ байна.
Нятгалсан: Ц.Тамир (MCIR)
